İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 184 Hüküm no: 135 Orijinal metin no: [60-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Yani’nin Bahçıvan Kosti’ye olan borcunu ödemesi için yapılan tenbih 323 [guru]ş 3 paraya hükm Ma‘rûz Bahçevân tâifesinden Kosti v. Dimitri nâm zimmî meclis-i şer‘-i hatîrde Yunanî teba‘asından Yorgi v. Yani nâm zimmî muvâcehesinde tercümânı Sava hâzır olduğu hâlde benim mersûm Yorgi ile gāibân ani’l-meclis Zaharya ve Atnaş zimmîler zimmetlerinde mâlımdan ve yedimden ma‘an iktirâz ve kabz ve umûrlarına sarfla istihlâk eyledikleri bin iki yüz guruş alacağım olup meblağ-ı mezkûrun iki yüz guruşunu mersûmûn bana edâ ve teslîm etmeleriyle bâkīsi olan bin guruşdan mersûm Yorgi’nin hissesine isâbet eden üç yüz otuz üç guruş on üç para bir akçeyi mersûm Yorgi’den hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihî meblağ-ı mezkûr üç yüz otuz üç guruş üç para bir akçeyi müdde‘î-i mersûm Kosti zimmîye edâ ve teslîme mersûm Yorgi’ye tenbîh olunduğu İstanbul Mahkemesi’nden huzûr-ı [âlîlerine i‘lâm olundu] Fî 16 Za sene [1]257