İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 212 Hüküm no: 165 Orijinal metin no: [69-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tülbentçi İsador ile babası Aci Abraham’ın Ali’de kalan alacaklarının ödenmesinde altmış bir gün vade üzerine anlaştıkları Tecîl Ma‘rûz Âsitâne-i seniyye’de vâki‘ tülbentçi tâifesinden kendi nefsinden asıl ve babası İsador v. Toma nâm zimmî tarafından husûs-ı âti’l-beyânda vekîl-i sâbitü’l-vekâlesi olup arzuhâl eden Aci Abraham nâm zimmî İstanbul Mahkemesi’nde meclis-i şer‘-i hatîrde derûn-ı arzuhâlde mezkûrü’l-ism el-Hâc Ali b. İbrahim nâm kimesne muvâcehesinde kezâlik derûn-ı arzuhâlde mezkûrü’l-ism Hınnacı el-Hâc İsmail b. Hüseyin nâm kimesne hâzır olduğu hâlde işbu târih-i i‘lâm şehrinin üçüncü günü merkūm el-Hâc Ali’nin benimle babam <> ve müvekkilim mersûm İsador zimmîden her birimiz mâlımızdan ve yedimizden bi-safkatin vâhidetin iştirâ ve kabz eylediği otuz beş top on yedi değirmi Üsküdar-kârî yemeni semeninden mezbûr el-Hâc Ali zimmetinde alacağımız olan üç bin sekiz yüz on dokuz guruşun bin üç yüz seksen dokuz guruşunu mezbûr el-Hâc Ali beynimizde ma‘lûm on iki top yirmi iki değirmi yemeni semenlerinden merkūm el-Hâc Ali’ye zimmetimizde deynimiz olan bin üç yüz seksen dokuz guruşa takas edip ol-vechile istifâ etmişidik el-hâletü hâzihî bâkīsi olup merkūm el-Hâc Ali zimmetinde bâkī alacağımız olan dört yüz otuz guruşdan mâ‘adâ bi’l-cümle husûs-ı mezkûra ve işbu târihe gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini kabûlü hâvî bi’l-asâle ve bi’l-vekâle ibrâ ve iskāt eylediğimizden sonra ibrâdan istisnâ kılınan meblağ-ı bâkī-i mezkûr iki bin dört yüz otuz guruş merkūm el-Hâc Ali benimle babam ve müvekkilim mersûm İsador zimmîye zimmetinde deyni olduğunu i‘tirâf edip lâkin meblağ-ı bâkī-i mezkûru hâlen ve def‘aten bize bir vechile edâya iktidârı olmamağla ber-vech-i âtî istimhâl eylediğinde ben dahi meblağ-ı bâkī-i mezkûr iki bin dört yüz otuz guruşun nısfı olan bin iki yüz on beş guruşunu işbu târih-i i‘lâmdan altmış bir gün <> ve nısf-ı âharı olan bin iki yüz on beş guruşunu dahi târih-i mezkûrdan altmış bir gün mürûrunda benimle babam ve müvekkilim mersûma edâ etmek üzere merkūm el-Hâc Ali’yi bi’l-asâle ve bi’l-vekâle imhâl ve tecîl eylediğimde ol dahi kabûl ve ber-minvâl-i muharrer müeccelen benimle babam ve müvekkilim mersûma edâya ta‘ahhüd eylediğinden sonra meblağ-ı bâkī-i mezkûr iki bin dört yüz otuz guruşa hâzır-ı merkūm el-Hâc İsmail tarafeynden bi’l-emr ve’l-kabûl kefâlet-i mutlaka-i sahîha-i şer‘iye ile kefîl ve zâmin olmuşdur deyü mukırr-ı müdde‘î-i asıl ve ve vekîl-i mersûm Aci Abraham zimmînin bi’l-cümle takrîrini merkūm el-Hâc Ali ve hâzır-ı mezbûr el-Hâc İsmail’den her birinin tasdîk eyledikleri huzûr-ı [âlîlerine i‘lâm olundu] Fî 6 min-Cumâdelâhire sene 1257