İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 61 Hüküm no: 11 Orijinal metin no: [2b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Ahmed Beşe b. Abdullah’ın karısı Emine Hanım’a mehir borcu olduğu Mefharü’s-sâdât es-Seyyid Abdulkadir Efendi es-Seyyid Vildan ve Mehmed Beşe b. Abdullah er-râcil nâm kimseler meclis-i şer‘-i şâmihü’l-beyâna hâzırân olup sâkin olduğu mahmiye-i Kostantıniyye mahallâtından Fethiye mahallesinde bundan akdem vefât eden merhûm Ahmed Beşe b. Abdullah’ın, zâhirde zevcesi Emine Hatun bt. Memi nâm hatundan gayrı vâris-i ma‘rûfu olmadığı ecilden muhallefâtının selâse-i erba‘ını zabt eden mahmiye-i mezbûrede vâki‘ tâife-i râcilîne bi’l-fi‘il beytü’l-mâl emîni olan fahrü’l-akrân Mehmed Subaşı b. İlyas mahzarında, bâ‘isetü hâze’l-kitâb mezbûre Emine Hatun’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, zevcesi olan müdde‘iye-i mezkûre hatunun esnâ-yı nikâhında ma‘kūdun aleyh olan mehr-i müecceli cihetinden müteveffâ-yı mezbûr zevci üzerinde râyicü’l-vakt on bin akçe hakkı vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zâlike ve hurrire fî-evâili Cumâdelûlâ li-sene seb‘a ve ışrîn ve elf. Şühûdü’l-hâl: Baba İslâm b. Hasan, Mustafa b. Abdullah, Baba Mehmed b. Hamza ve gayruhum mine’l-hâzırîn