İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 62 Hüküm no: 12 Orijinal metin no: [2b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun bt. Memi’nin Ahmed Beşe’nin muhallefatından hissesini aldığı Bâtında kitâbda ismi mastûre olan Emine Hatun bt. Memi meclis-i şer‘-i hatîr-i lâzımü’t-tevkīrde yine derûn-ı kitâbda ismi tahrîr olunan mefharü’l-ümenâ Mehmed Ağa b. İlyas muvâcehesinde bi’t-tav‘ ikrâr ve i‘tirâf edip müteveffâ-yı mezbûr Ahmed Beşe’nin emîn-i merkūm yedinde makbûz olan cümle muhallefâtı ber-mûceb-i defter-i kassâm-ı askerî iki bin üç yüz altmış akçe olmağla zikr olunan iki bin üç yüz altmış akçeyi emîn-i mezbûr yedinden mehr-i müeccelime mahsûb olmak üzere alıp kabz eyledim dedikde mukırre-i merkūmeyi ikrâr-ı meşrûhunda emîn-i merkūm bi’l-muvâcehe tasdîk etmeğin mâ-hüve’l-vâki‘ bi’t-taleb ketb olundu. Tahrîren fî-evâili Cumâdelûlâ li-sene seb‘a ve ışrîn ve elf. Min-hicretî men-lehü’l-izzü ve’[ş-şeref] Şühûdü’l-hâl: Es-sâbikūn.