İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 71 Hüküm no: 26 Orijinal metin no: [5a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe’nin amcası Yahya Beşe’nin muhallefatından hissesine aldığı Bâtın-ı kitâb-ı sıhhat-nisâbda ismi mastûr olan Hasan Beşe b. Abdullah meclis-i şer‘-i şerîf-i vâcibü’t-teşrîfde bundan akdem vefât eden ammisi Yahya Beşe b. Abdullah’ın cümle muhallefâtına vâzı‘ü’l-yed olan yeniçeriler beytü’l-mâli emîni Mehmed Şubaşı b. İlyas muvâcehesinde ikrâr ve takrîr-i kelâm [edip] müteveffâ-yı mezbûrun muhallefâtı semeninden emîn-i mezbûr yedinde makbûz olan yedi bin yüz yirmi dokuz akçeyi bi’t-tamam ve’l-kemâl ahz ü kabz eyledim dedikde mukırr-ı mezbûru ikrâr-ı meşrûhunda emîn-i merkūm bi’l-muvâcehe tasdîk etmeğin mâ-hüve’l-vâki‘ bi’t-taleb ketb olunup yed-i tâlibe vaz‘ olundu. Tahrîren fî-evâsıtı Cumâdelûlâ li-sene seb‘a ve ışrîn ve elf. Şühûdü’l-hâl: İlyas Beşe b. Abdulkadir, Baba İslâm b. Hüseyin, Baba Mehmed b. Hamza, Mustafa b. Abdullah, ve gayruhum.