İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 72 Hüküm no: 27 Orijinal metin no: [5a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha ve Mehmed’in Ömer Beşe’nin muhallefatından hisselerini aldıkları Derûn-i kitâbda isimleri mastûr olan Saliha bt. Mehmed ve Mehmed b. Abdi meclis-i şer‘-i hatîr-i lâzımü’t-tevkīrde zahr-ı kitâbda ismi mastûr olan Ömer Beşe b. Mehmed nâm müteveffânın muhallefâtına vâzı‘ü’l-yed olan yeniçeri beytü’l-mâli emîni Mehmed Subaşı b. İlyas muvâcehesinde her biri ikrâr ve takrîr-i merâm edip müteveffâ-yı mezbûrun muhallefâtı semeninden emîn-i mezbûr yedinde makbûz olup irs-i şer‘le bize intikāl eden otuz bin beş yüz akçeyi emîn-i mûmâ-ileyh yedinden bi’t-tamam ve’l-kemâl ahz ü kabz eyledik dedikde mukırrân-ı mezbûrânı ikrâr-ı meşrûhlarında emîn-i mesfûr bi’l-muvâcehe tasdîk etmeğin mâ-hüve’l-vâki‘ bi’t-taleb ketb ve terkīm olunup yed-i tâlibe vaz‘ ü def‘ olundu. Fi’t-târihi’l-mezbûr. Şühûdü’l-hâl: <> İlyas Beşe b. Abdullah, İslâm b. Hasan, Mehmed b. Hamza el-muhzır, Mustafa Beşe b. Abdullah ve gayruhum.