İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 73 Hüküm no: 30 Orijinal metin no: [5a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un ölen kocasının muhallefatından hissesini aldığı Derûn-i kitâbda ismi mastûr olan Âişe Hatun tarafından zevci olup bundan akdem vefât eden Murad Beşe b. Abdullah’ın muhallefâtının selâse-i erba‘ına vâzı‘ü’l-yed olan yeniçeriler beytü’l-mâli emîni Mehmed Subaşı b. İlyas’dan elli bin akçe mehr-i müeccelimi müteveffâ-yı mezbûrun muhallefâtından ber-mûceb-i defter-i kassâm-ı askerî rub‘ hisse-i şer‘iyesini kabza ve kendiye îsâle vekîl olup [5b] mezbûre Âişe’yi ma‘rifet-i şer‘iye ile ârifân olan Müslümânlar şehâdetleri ile vekâleti şer‘an sâbit olan mezbûre Âişe’nin babası olan Hüseyin b. Abdullah meclis-i şer‘de emîn-i mezbûr muvâcehesinde bi’l-vekâle ikrâr <> ve i‘tirâf edip emîn-i mezbûr yedinden müvekkilem Âişe’nin altı bin akçe mehr-i müeccel-i müsbeti ve ber-mûceb-i defter-i kassâm-ı askerî iki bin beş yüz on akçe hisse-i rub‘unu bi’t-tamam ve’l-kemâl ahz ü kabz eyledim dedikde gıbbe’t-tasdîki’l-vicâhi mâ-hüve’l-vâki‘ bi’t-taleb kayd olundu. Tahrîren fî-evâsıtı Cumâdelâhire li-sene seb‘a ve ışrîn ve elf. Şühûdü’l-hâl: Es-sâbikūn.