İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 96 Hüküm no: 51 Orijinal metin no: [12a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Beytülmal tarafından zabtedilen Mehmed b. Yusuf’un muhallefatının üçte birinin vasiyetleri için iade edildiği Mahmiye-i Kostantıniyye mahallâtından Suhte Sinan mahallesinde bundan akdem vefât eden Suhte Memi diye şehîr merhûm Mehmed b. Yusuf’un kıbelinden tenfîz-i vesâyâsı için vesâyeti bimâ hüve nehcü’s-sübût sâbit olan vasîyy-i muhtâr Mahmud Bey b. Abdullah nâm kimse meclis-i şer‘-i şerîfe hâzır olup, merhûm-ı mezbûrun muhallefâtına vâzı‘-ı yed olan mahmiye-i mezkûrede vâki‘ râcilîne mahsûs beytü’l-mâl emîni İsa Çelebi b. Nasuh mahzarında, müteveffâ-yı mezbûrun muhallefâtının sülüsü olan râyicü’l-vakt on altı bin üç yüz doksan iki akçe-i Osmânîyi emîn-i mezbûr yedinden ahz ü kabz ettiğini, zimmetinde bir akçe ve bir habbe hakkı kalmadığını ikrâr eyledi. Vâki‘ ikrâr mukarrun lehü’l-merkūm tarafından vicâhen ve şifâhen tasdîk edildi. Cerâ zâlike ve hurrire fî-evâsıtı Recebi’l-mürecceb li-sene elf. Şühûdü’l-hâl: Osman Çelebi b. Timur, Mehmed Çelebi b. Mustafa, Ali b. Hüseyin, Ömer Bey b. Abdullah el-cündî