İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 148 Hüküm no: 118 Orijinal metin no: [25b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş’un cariyesini azat ettiği Mahmiye-i Kostantıniyye mahallâtından Elvanzâde mahallesi imâmı mevlana Hasan b. Mahmud ve müezzin el-Hâc Mahmud b. Mehmed nâm kimseler meclis-i şer‘-i şerîfe hâzırân olup hahmiye-i Kostantıniyye mahallâtından Elvanzâde mahallesinde bundan akdem vefât eden Mehmed Çavuş b. Abdullah’ın zevcesi ve vârisi ve İsmihan nâm sagīrenin vasiyye-i muhtâresi Fatıma bt. Abdullah ve müteveffâ-yı mezkûrun ana-baba bir amcazâdesi Mahmud Ağa b. Abdullah mahzarlarında, orta boylu, açık kaşlı, elâ gözlü, buğday tenli Lalezar bt. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûr hâl-i hayatında müdde‘iye-i merkūme Lalezar nâm câriye-i memlûkesini hasbeten lillâhi te‘âlâ âzâd ve tahrîr eyledi. Şehâdeten sahîhaten şer‘iyeten makrûneten bi’l-kabûl ba‘de ca‘li şerâitihî mer‘iyeten, hâkim şehâdetleri mûcebince câriye-i mezbûrenin ıtkına hükmetti. Hurrire fî-evâili Şevvâl li-sene [hamse ve elf.] Şühûdü’l-hâl: Es-sâbikūn