İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 156 Hüküm no: 132 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ali Efendi’nin evin tasarruf hakkını tefviz ettiği Umdetü’l-müderrisîn zübdetü’l-muhakkıkīn mevlana es-Seyyid Ali Efendi b. es-Seyyid Mehmed kıbelinden husûs-ı âtîye ale’n-nehci’ş-şer‘î vekâleti sâbit olan fahrü’l-eimme mevlana Mehmed b. Mustafa mahfil-i kazâda bâ‘isü’l-kitâb fahrü’l-müderrisîn mevlana Ali Çelebi b. Abdullah mahzarında mezbûr efendi bundan esbak merhûm Şîr vakf ve süknâsı Ali’ye şart etdiği cihet ile müvekkilim mûmâ-ileyh es-Seyyid Ali Efendi mahrûse-i İstanbul’da Uzun Şücâ‘ mahallesinde vâki‘ olup bir tarafı Sayacıbaşı vakfı’na ve bir tarafı Ketânî Çelebi mülküne ve bir tarafı Şemsizaman Hatun mülküne ve bir tarafı tarîk-ı âmma hudûdu müntehî olup ber-mûceb-i şart-ı vâkıf tasarruf etdiği menzil-i mezbûrun hakk-ı tasarrufu müşârün-ileyh mevlana Ali’ye tefvîz edip mukābele-i tefvîz iki bin altı yüz akçasın aldı dedikde vekîl-i mesfûru mevlana-yı mezbûr kelimât-ı meşrûhasında vicâhen tasdîk edicek işbu vesîka ketb olunup tâlibi yedine def‘ ü vaz‘ olundu ki ba‘de’l-yevm mezbûr Ali Bey alâ-mûcebi şart-ı vâkıf menzil-i merkūmda sâkin olup vâkıfın zevcesi ve devam-ı devlet-i pâdişâh-ı İslâm içün halledallahu mülkehû ve saltanatehû ve ebede ale’l-âlemîne birrehu ve ihsânehû müdevamet ve istikāmet üzere ola. Fi’t-tâsi‘ min-Şa‘bân sene 1005 Şühûdü’l-hâl: Es-sâbikūn