İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 157 Hüküm no: 133 Orijinal metin no: [28b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Ağa’nın kölesini anlaşma yoluyla azat ettiği (mükâtebe) Atebe-i aliyye müteferrikalarından fahrü’l-emâcid câmi‘ü’l-mehâmid Yusuf Ağa b. Abdülvâhid kıbelinden husûs-ı âtîyi ikrâra vekâleti bimâ hüve nehcü’s-sübût şer‘an sâbit olan fahrü’l-akrân Mehmed Bey b. Pervâne, müvekkil-i mezbûrunın bundan akdem orta boylu, kızıl tenli, çatık kaşlı, sakallı, kara gözlü, başında eser-i cerh bulunan hâmil-i kitâb Andriya v. Polin nâm abd-i memlûkünü iki sene-i kâmile hizmet etmesi üzere kitâbete kestiğini ikrâr etti. İki sene-i kâmile geçti ve abd-i mezbûr sâir ahrâr-ı asliyîn-i mükellefîn gibi hür oldu. Vâki‘ ikrâr abd-i merkūm tarafından vicâhen ve şifâhen tasdîk edildi. Cerâ zâlike ve hurrire fi’l-yevmi’l-hâmis aşere min-şehri Şevvâl li-sene hamse ve elf. Şühûdü’l-hâl: Mehmed b. Ramazan, Mustafa b. Mahmud, Ferhad b. Abdullah, Mehmed b. Hamza ve gayruhum