İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 183 Hüküm no: 174 Orijinal metin no: [35b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nazenin bt. Abdullah’ın hürre olduğu Bundan esbak sefer-i sultânîde müteveffâ olan kalanisi-i hâs re’îsi Perviz b. Abdullah’ın sulbî kebîr oğlu olup husûs-ı âti’z-zikri münkir olan Mehmed b. Perviz mahzarında mahfil-i kazâda işbu açık kaşlı orta boylu elâ gözlü Çerkesiyyetü’l-asl hıntıyyetü’l-levn sol kaşı ucunda eser-i cerh olan Nâzenin bt. Abdullah nâm câriyeden vech-i âti’z-zikr üzere da‘vâ ve istişhâd sudûrundan sonra Mehmed Çelebi b. Hüseyin ve Bâli Bey b. Abdullah nâm kalanisi-i? hâs meclis-i şer‘-i şerîfe li-ecli’ş-şehâde hâzırân olup fi’l-hakīka mezbûr Mehmed b. Perviz babam müteveffâ-yı mezbûr müdde‘iye-i merkūme-i mevsûfeyi silk-i mülkünde iken müdebbere eylemişdir. Hâlâ ben dahi ı‘tâk ve tahrîr eyledim dedi müdde‘iye-i mevsûfe-i merkūme sâir harâir-i asliyât gibi hürredir biz bu husûsa şâhidleriz şehâdet dahi ederiz dediklerinde ba‘de ri‘âyeti şerâiti’l-kabûl şehâdetleri makbûle olup mûcebiyle müdde‘iye-i mezbûrenin hürriyetine hüküm-birle mâ-hüve’l-vaka‘a gıbbe’t-taleb kayd olundu. [Tarihi yazılmamıştır.] Şühûdü’l-hâl: Hüseyin Çelebi b. Ali, Ahmed Efendi b. Alâaddin, Yusuf Çelebi el-mülâzım, Mehmed b. Ramazan ve gayruhum.