İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 184 Hüküm no: 175 Orijinal metin no: [36a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zamane Hatun’un evini Rabia Hatun’a hibe ettiği Mahmiye-i Kostantıniyye mahallâtından Mimârşücâ‘ mahallesi sâkinlerinden udûlden Mahmud Bey b. Abdullah er-râcil ve Sinan Bey b. Abdullah meclis-i şer‘-i şerîfe hâzırân olup bundan akdem vefât eden merhûm Cafer Bey b. Derviş’in zevcesi ve vârisi ve müteveffâ-yı mezbûrun İbrahim ve Fatıma nâm sagīreyninin kıbel-i şer‘-i kavîmden mansûb vasîsi olan Alemşah Hatun bt. Murad’ın mahzarında ve yine mezbûr Cafer Bey b. Derviş’in sulbî oğlu ve vârisi Mustafa Çelebi er-râcil nâm kimse mahzarında, Rabia hatun bt. Cafer Bey nâm zevcesi kıbelinden husûs-i âti’z-zikre vekâleti bimâ hüve nehcü’s-sübût şer‘an sâbit olan Ahmed Çelebi b. Mustafa el-cündî nâm kimseden vekâleten sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun daha önce vefât eden anası Zamane Hatun bt. Mirza hâl-i hayatında ve kemâl-i akl ve sıhhatinde mâliki olduğu ve taht-ı tasarrufunda bulundurduğu mahalle-i mezbûrede kâin, tahtânî iki hâneyi, ahırı, su kuyusunu, cüneyneyi, kenîfi ve muhavvatayı müştemil, hudûdu bir tarafından Fatıma bt. Abdullah mülkü, bir tarafından Rabia bt. Hayreddin mülkü, bir tarafından merhûm-ı mezbûr mülkü ve bir tarafından da tarîk-ı âm ile mahdûd bulunan cemî‘ menzilini cümle tevâbi‘i ve lehâhıkı ve kâffe-i menâfi‘ ve merâfıkıyla müvekkile-i mezbûre Rabia Hatun’a hibe etmişti. Mezbûre Rabia Hatun dahi meclis-i hibede menzil-i mesfûru ittihâb ve ba‘de’t-tahliye kabz etmişti. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten şehâdetleri mûcebince hükmedildi. Cerâ zâlike ve hurrire fi’l-yevmi’s-sâbi‘ ve’l-ışrîn min-Şevvâl li-sene hamse ve elf mine’l-hicreti’n-nebeviye. Şühûdü’l-hâl: Ömer Çelebi b. Hamza, Ahmed Bey b. Yusuf, Sinan Bey b. Abdullah, Mehmed Subaşı b. Abdullah, Ömer Çelebi b. Turmuş, Mustafa Çelebi b. Ahmed, Ahmed Çelebi b. Mehmed, Mustafa b. Mahmud, Mehmed b. Ramazan, Mehmed Bey b. Mustafa, es-Seyyid Ahmed Çelebi b. es-Seyyid Veli, Mehmed Çelebi, Mehmed b. Mehmed er-râcil ve gayruhum