İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 188 Hüküm no: 184 Orijinal metin no: [37a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha bt. Abdullah’ın ölen kocasında mehir alacağı kaldığı Mahmiye-i Kostantıniyye’de vâki‘ Hadîka-i cedîde kurbündeki merhûm Sinan Paşa mahallesinden el-Hâc Mustafa b. el-Hâc Hasan el-müezzin ve Mahmud Bey b. Abdullah nâm kimseler meclis-i şer‘-i şerîfe hâzırân olup husûs-i âti’z-zikr için vasîyy-i mansûb olan Mehmed Bey b. Hamza mahzarında, bâ‘isetü’l-kitâb Saliha bt. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, mezbûre Saliha hatunun esnâ-yı nikâhında ma‘kūdun aleyh olan mehr-i müecceli cihetinden bundan akdem mahalle-i mezbûrede vefât eden Mustafa Bey b. Abdullah en-na‘âl nâm zevci üzerinde râyicü’l-vakt dört bin akçe hakkı vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zalike fî 15 şehri Şevvâl li-sene 1005. Şühûdü’l-hâl: Cafer Bey b. Abdullah, Mehmed Bey b. Abdullah, Mustafa b. Ali, Ferhad b. Abdullah, Mustafa b. Mahmud ve gayruhum