İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 204 Hüküm no: 203 Orijinal metin no: [41b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Beytülmale geçen Hasna Hatun’a ait evin müzayede ile satıldığı Mahmiye-i Kostantıniyye mahallâtından Abdi Subaşı mahallesinde bundan akdem vefât eden Hasna Hatun bt. Abdullah nâm hatunun muhallefâtının vâzı‘-ı yedi olan, mahmiye-i mezbûrede vâki‘ Beytü’l-mâl-i hâs emîni Mehmed Çavuş b. Abdullah meclis-i şer‘a hâzır olup müteveffât-ı mezbûrenin muhallefâtında mevcûd, mahalle-i mezkûrede vâki‘, fevkānî iki hâneyi, tahtânî bir hâneyi, sofayı, kenîfi ve muhavvatayı müştemil, hudûdu bir tarafından Muhzır Sinan mülkü, bir tarafından Piyale Bey b. Abdullah mülkü, bir tarafından el-Hâc Himmet mülkü ve bir tarafından da tarîk-ı âm ile mahdûd olan cemî‘ menzili cümle tevâbi‘i ve levâhıkı ve ile râyicü’l-vakt yedi bin yüz akçe semen-i mu‘ayyen-i makbûzla Keyvan b. Abdullah ve Yasemin bt. Abdullah nâm kimselere îcâb ve kabûlü ve teslim ve tesellümü hâvî bey‘-i bâtt-ı sahîh-i şer‘î ile bey‘ ettiğini ikrâr eyledi. Onlar dahi kendi mâllarıyla ve kendileri için menzil-i mezbûru iştirâ eylediler. Vâki‘ ikrâr müşteriyeyn-i mezkûreyn tarafından vicâhen ve şifâhen tasdîk edildi. Mubâya‘a-i mezbûre menzil-i mesfûrun sûk-ı sultânîde ve mecma‘-ı nâs olan mahallerde tâlibîn ve râgıbîn beyninde kirâren müzâyede olunup ragabât-ı nâs bi’l-külliye münkatı‘a oldukdan sonra müşârün-ileyhimâ üzerinde semen-i meblağ-ı merkūmda karâr edip ziyâde ile âhar tâlibi olmadığı ecilden vâki‘ oldu. Cerâ zâlike ve hurrire fi’l-yevmi’s-sânî aşere min-şehri Zilka‘de li-sene hamse ve elf. Şühûdü’l-hâl: Hızır b. Abdullah, Hacı Mustafa, Ali b. Ramazan, Hasan b. Abdullah, Mehmed b. Ramazan, Mustafa b. Mahmud, Ferhad b. Abdullah ve gayruhum