İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 225 Hüküm no: 231 Orijinal metin no: [47b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Efendi’nin evini istiğlal yoluyla Üsküfcüzade Mustafa Çelebi’ye sattığı Umdetü’l-müderrisîn mevlana İbrahim Efendi b. Ali Beyefendi meclis-i şer‘-i şerîfe gelip işbu akdin kendilerinden sudûruna kadar mâliki olduğu ve taht-ı tasarrufunda bulundurduğu, mahmiye-i Kostantıniyye mahallâtından merhûm Sultan Selim Han Câmi‘i mahallesinde kâin, bir tarafından bâyi‘-i mezkûr mülkü, bir tarafından tarîk-ı âm, bir tarafından İbrahim b. Abdi el-kādı mülkü, bir tarafından da tarîk-ı hâs ile mahdûd bulunan cemî‘ menzilini cümle tevâbi‘i ve levâhıkıya râyicü’l-vakt tammü’l-vezn ve sahîhü’l-ayâr beş yüz altın sikke semen-i mu‘ayyen-i makbûzla bâ‘is-i hâze’l-kitâb umdetü’l-emâcid Üsküfcüzâde Mustafa Çelebi b. İbrahim’e bey‘ ettiğini ikrâr eyledi. Mezbûr Mustafa Çelebi dahi istiğlâl maksadıyla iştirâ eyledi. Bâyi‘-i mezkûrun menzil-i mezbûru istîcârı üzere ba‘de’t-tahliye ve’t-tekābuz müşterî-i mezbûr zeyl-i kitâbda mezkûr târihden bir sene tamamına râyicü’l-vakt üç bin akçe ücret ile kendisine icâreye verdi. Vâki‘ ikrâr men-lehü’t-tasdîk tarafından vicâhen tasdîk edildi. Sonra mahmiye-i mezbûre mahallâtından Koğacıdede mahallesinde sâkin olan fahrü’l-cüyûş Mustafa b. Ali ve Ali Çelebi b. Mahmud el-kâtib nâm kimseler menzil-i mezbûrun derkine ve ücret-i kirâya îcâb ve kabûlü hâvî kefâletle kefîl oldu. Şühûdü’l-hâl: Mehmed b. Şaban el-imâm, Abdullah b. Şaban el-mu‘allim, Sinan Dede b. Sefer el-imâm, Derviş b. Mehmed el-imâm, Kâtibzâde Mustafa Çavuş ve gayruhum