İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 246 Hüküm no: 248 Orijinal metin no: [53a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Bey’in evinin yarısını kızı Raziye’ye bağışladığı Davud Paşa mahallesi sükkânından Faik Bey b. Abdullah ve Musa Halîfe el-müezzin bi-câmi‘i merhûm Davud Paşa bi-Kostantıniyye-i mahmiye ve Behram Bey b. Abdullah ve Sinan Bey b. Abdullah nâm kimseler meclis-i şer‘-i şerîfe hâzırûn olup hâl-i hayatında mahmiye-i Kostantıniyye mahallâtından Davudpaşa mahallesinde sâkin iken bundan akdem tarîk-ı Hicaz’da vefât eden merhûm Hasan Bey b. Abdullah’ın zevcesi ve vârisi olan ve husûs-ı âti’l-beyânı münkire bulunan Lalezar bt. Abdullah nâm hatun mahzarında, müteveffâ-yı mezkûr Nasuh Bey’in zevcesi Râziye bt. Hasan Bey kıbelinden da‘vâya vekâleti bimâ hüve nehcü’s-sübût şer‘an sâbit olan fahrü’l-emâsil ve’l-akrân Hüseyin Ağa b. Murad’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezkûr Hasan Bey, hâl-i hayatında mahalle-i merkūmede kâin, bir tarafından Servinaz Hatun bt. Abdullah Vakfı, bir tarafından tarîk-ı hâs, bir tarafndan Meleki Hatun bt. Hayreddin mülkü, bir tarafından İbrahim Hoca mülkü ile mahdûd olan cemî‘ mülkünün tahtânî bir hâneyi önündeki nısf sofayı, mutfağı ve fırını müştemil nısfını müdde‘î-yi mezbûreye hibe etmişti. Müteveffâ-yı mezbûr eliyle işâret ederek nısf-ı menzili ta‘yîn etmişti. Müdde‘iyye-i merkūme dahi hibe-i mezbûreyi kabûl edip nısf-ı menzili kabz edip müddet-i kesîre mülkiyet üzere tasarruf etmişti. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten hâkim şehâdetleri mûcebince hükmetti. Cerâ zâlike ve hurrire fî-evâsıtı Cumâdelûlâ min-şühûri sene elf mine’l-hicreti’n-nebeviye. Şühûdü’l-hâl: Es-sâbikūn