İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 248 Hüküm no: 252 Orijinal metin no: [54a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lalezar bt. Abdullah’ın Nasuh Bey’in kızı küçük Ayşe’ye borcu olduğunu ikrâr ettiği Hâl-i hayatında mahmiye-i Kostantıniyye mahallâtından Davudpaşa mahallesinde sâkin iken bundan akdem tarîk-ı Hicaz’da vefât eden merhûm Hasan Bey b. Abdullah’ın zevcesi Lalezar bt. Abdullah nâm hatun meclis-i şer‘-i şerîfe gelip mahalle-i mezbûrede bundan akdem vefât eden Nasuh Bey’in Âişe nâm sagīre kızının vasîyy-i şer‘îsi olup vesâyeti bimâ hüve nehcü’s-sübût şer‘an sâbit olan Sinan Bey b. Abdülmennan mahzarında şöyle ikrâr etti ki, sagīre-i mezkûrenin bundan akdem olan vasîyy-i sâbıkı olan Hasan Bey ile yaptığı mu‘âmele cihetinden sagīre-i merkūmeye zimmetinde râyicü’l-vakt bin akçe-i Osmânî lâzımü’l-edâ ve vâcibü’l-kazâ deyni vardır. Vasîyy-i mezbûr Sinan Bey mukırra-i mezbûreyi vicâhen ve şifâhen tasdîk eyledi. Cerâ zâlike ve hurrire fî-evâsıtı Cumâdelûlâ min-şühûri sene elf. Şühûdü’l-hâl: Es-sâbikūn