İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 248 Hüküm no: 251 Orijinal metin no: [53b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Raziye Hatun’un miras paylarını alması için Hüseyin Ağa’yı vekil tayin ettiği Hâl-i hayatında mahmiye-i Kostantıniyye mahallâtından Davudpaşa mahallesinde sâkin iken bundan akdem tarîk-ı Hicaz’da vefât eden merhûm Hasan Bey [b. Abdullah]’ın kızı Râziye Hatun meclis-i şer‘-i şerîfe hâzıra olup müteveffâ-yı mezbûr babasından irs-i şer‘î ile kendisine intikāl eden muhallefâtın müteveffâ-yı mezkûrun zevcesi Lalezar bt. Abdullah’dan taleb edilmesine, kabz ve îsâline ve hîn-i hâcetde kabz ve îsâl için hükkâm-ı kirâm indinde lâzım gelen husûmât ve mürâfa‘ya ve yine zevci-i sâbıkı Nasuh Bey’in muhallefâtından zimmetinde bulunan hakkının ve yine Şevki bt. Abdullah nâm anasının muhallefâtındaki hakkının da‘vâ edilmesine fahrü’l-ekâbir ve’l-a‘yân Hüseyin Ağa b. Murad’ı vekîl ve nefsine nâib-i menâb eyledi. O dahi vekâlet-i mezkûreyi kabûl edip hizmet-i lâzımesini edâya müte‘ahhid oldu. Cerâ zâlike ve hurrire fî-evâsıtı Cumâdelûlâ min-şühûri sene elf. Şühûdü’l-hâl: Es-sâbikūn