İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 256 Hüküm no: 267 Orijinal metin no: [56b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Abdullah’ın ölen kocası Mustafa’da mehir alacağı olduğu Cerrâh-ı hâs Hasan Bey b. Abdullah ve Mustafa Bey b. Ahmed nâm kimseler meclis-i şer‘-i şerîfe hâzır olup Kadırga Limanı kurbündeki Şehsuvarbey mahallesinde bundan akdem vefât eden Mustafa nâm müteveffânın Ali nâm sagīr oğluna vasîyy-i muhtâr olan ve vesâyeti şâhideyn-i mezkûreynin şehâdeti ile sâbit olan Hüseyin b. Abdullah el-kâtib nâm hasm-ı münkir mahzarında, merhûm-ı mezbûrun zevcesi hâmiletü hâze’l-kitâb Emine bt. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, zevce-i mezbûre Emine hatunun esnâ-yı nikâhında ma‘kūdun aleyh olan mehr-i müecceli cihetinden müteveffâ-yı mezbûr zevci üzerinde râyicü’l-vakt iki bin üç yüz akçe hakkı vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zalike fî-evâsıtı Cumâdelûlâ li-sene elf. Şühûdü’l-hâl: Es-sâbikūn