İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 267 Hüküm no: 281 Orijinal metin no: [60a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musa Bey’in kereste bedelinden Yahûdî Karakaş’a borcu olduğu Ramazan b. Habib ve Mehmed b. Haydar nâm kimseler meclis-i şer‘a hâzırân olup, mahmiye-i Kostantıniyye mahallâtından Nişâncı mahallesinde bundan akdem vefât eden merhûm Musa Bey b. Yakub’un li-ebeveyn er karındaşı ve vârisi İsa Bey b. Yakub nâm husûs-i âti’l-beyânı münkir hasm-ı câhid mahzarında, Karakaş v. İliyakim nâm Yahûdîden sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı merkūmun müdde‘î-yi mezkûra müşterâ-yı makbûz kereste ve odun bahâsından râyicü’l-vakt beş bin dört yüz altmış akçe deyni vardır. Müdde‘î-i mezbûra meblağ-ı mesfûru kısmen veyâ tamamen almadığına, zimmetini bi-vechin mine’l-vücûh ibrâ etmediğine dâir billâhi’llezî enzele’t-tevrâte yemîn verilmeğin, şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten mine’t-ta‘dîl ve’t-tezkiyeti’ş-şer‘iye şehâdetleri mûcebiyle meblağ-ı mezbûrun müteveffâ-yı mesfûrun muhallefâtından edâsına hükmedildi. Cerâ zâlike ve hurrire fî-evâili Cumâdeluhrâ li-sene elf. Şühûdü’l-hâl: Mehmed b. Ramazan el-muhzır, Mustafa Bey b. Mahmud el-muhzır, Ferhad b. Abdullah, Mehmed b. Hızır, Mehmed b. Halil ve gayruhum