İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 267 Hüküm no: 280 Orijinal metin no: [60a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer Bey’in mal bedelinden Abdi b. Mehmed’e borcu olduğu Udûlden Mehmed b. Musa ve Ebûbekir b. Mustafa nâm kimseler meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzırân olup, mahmiye-i Kostantıniyye mahallâtından Sinanağa mahallesinde sâkin iken bundan akdem deryâda garîkan fevt olan merhûm Ömer Bey b. İbrahim’in Mehmed ve Âişe nâm sagīreynine kıbel-i şer‘-i şerîfden mansûb vasî olan Yahya b. Abdullah nâm kimse mahzarında, hâmil-i hâze’l-kitâb Abdi b. Mehmed’den sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun müşterâ-yı makbûz makrame semeninden müdde‘î-yi mezkûra lâzımü’l-edâ ve vâcibü’l-kazâ râyicü’l-vakt altı yüz akçe deyni vardır. Müdde‘î-yi mezkûra meblağ-ı mezbûru kısmen veyâ tamamen ahz ü kabz etmediğine, zimmetini bi-vechin mine’l-vücûh ve bi-sebebin mine’l-esbâb ibrâ etmediğine dâir yemîn verildikten sonra, şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten mine’t-ta‘dîl ve’t-tezkiyeti’ş-şer‘iye şehâdetleri mûcebiyle meblağ-ı mezbûrun müteveffâ-yı mesfûrun muhallefâtından edâsına hükmedildi. Cerâ zâlike ve hurrire fî-evâsıtı Cumâdelâhire li-sene elf. Şühûdü’l-hâl: ( )