İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 277 Hüküm no: 297 Orijinal metin no: [62b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed adlı çocuğa nafaka takdiri Hâkim-i muvakkı‘ a‘lâ hâze’l-kitâb, bundan akdem vefât eden kıdvetü’l-akrân Mehmed Efendi b. Abdülmennan el-kâtib nâm merhûmun Ahmed nâm sagīr oğlunun nafakası, kisvesi ve sâir havâic-i zarûriyesi için, hacr ve terbiyesi altında bulunduğu Emine Hatun bt. Abdullah nâm anasının talebiyle, zeyl-i kitâbda muharrer tarihden itibâren yevmî râyicü’l-vakt otuz bin [metinde böyle] akçe farz ve takdîr etti. Hâkim-i mûmâ-ileyh meblağ-ı mefrûz-ı mezbûru sagīr-i merkūmun levâzımât ve mühimmâtına sarfına ve vakt-i hâcetde istidâne edip vakt-i zaferde rucû‘una mezbûre Emine Hatun’a izin verdi. Cerâ zâlike ve hurrire fi’l-yevmi’l-âşir min-şehri Rebî‘i’l-evvel li-sene sitte ve elf. Şühûdü’l-hâl: Mustafa b. Mahmud ve Mehmed b. Ramazan ve Hüsrev b. Abdullah ve Mehmed b. Mustafa ve gayruhum