İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 276 Hüküm no: 296 Orijinal metin no: [62b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud adlı çocuğa nafaka takdiri Hâkim-i muvakkı‘ a‘lâ hâze’l-kitâb, Mahmud b. Murad nâm sagīrin nafakası, kisvesi ve sâir havâic-i zarûriyesi için, hacr ve terbiyesi altında bulunduğu vasîsi Bâyezid b. Abdullah’ın talebiyle, mahmiye-i Kostantıniyye mahallâtından Karaminâre mahallesinde vefât eden Emir Hatun bt. Mahmud nâm anasından irs-i şer‘î ile intikāl eden emvâlinden alınmak üzere, zeyl-i kitâbda muharrer tarihden itibâren yevmî râyicü’l-vakt altı akçe farz ve takdîr etti. Hâkim-i mûmâ-ileyh meblağ-ı mefrûz-ı mezbûru sagīr-i merkūmun levâzımât ve mühimmâtına sarfına mezbûr Bâyezid’e izin verdi. Cerâ zâlike ve hurrire fi’l-yevmi’s-sâlis min-şehri Rebî‘i’l-evvel li-sene sitte ve elf. Şühûdü’l-hâl: El-mezbûrûn