İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 283 Hüküm no: 307 Orijinal metin no: [64b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in oğlunun vasisi Yusuf’un Beytülmal emininden aldığı para. (…) kazâsından olup vefât eyledikde muhallefâtı mahrûse-i İstanbul’da Beytü’l-mâl-i hâssa cânibinden zabt olunan el-Hâc Mehmed’in sulbî oğlu ve ber-vech-i inhisâri dahi etdiği şer‘an sâbit olan vasîyy-i şer‘î olan Yusuf meclis-i şer‘-i kavîmde bi’l-fi‘il Beytü’l-mâl-i hâs Emîni olan aynü’l-a‘yân ve’l-akrân Abdullah Çavuş mahzarında vesâyeten ikrâr edip müteveffâ-yı mezbûrun muhallefâtından emîn-i müşârün-ileyhin yedinden üç bin akçe alıp kabz etdim dedikde gıbbe’t-tasdîk ve’t-taleb kayd olundu. Tahrîren fî 3 Saferi’l-hayr sene selâse ve elf. Şühûdü’l-hâl: Mevlana Sinan el-müderris, Mevlana Ahmed Efendi el-müderris Ferhad b. Abdullah, Mustafa b. Mehmed ve gayruhum.