İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 284 Hüküm no: 309 Orijinal metin no: [64b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmal tarafından zabtedilen Mustafa’nın tacir Şaban’a borcu olduğu Hasan b. Abdullah et-tâcir ve Mesih b. Abdullah et-tâcir nâm kimseler meclis-i şer‘a hâzırân olup, bundan akdem vefât eden Mustafa b. Kemhacı Muslihuddin’in muhallefâtına vâzı‘-ı yed olan mahmiye-i mezkûrede vâki‘ Beytü’l-mâl-i hâs emîni Abdullah Çavuş b. Hızır mahzarında, Şa‘bân b. İdris et-tâcir nâm kimseden sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, merhûm-ı mezbûrun zimmetinde müdde‘î-yi mezkûra müşterâ-yı makbûz tel semeninden râyicü’l-vakt sekiz yüz akçe deyni vardır. Müdde‘î-i mezbûra meblağ-ı mesfûru kısmen veyâ tamamen almadığına, zimmetini bi-vechin mine’l-vücûh ibrâ etmediğine dâir yemîn verilmeğin, şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten mine’t-ta‘dîl ve’t-tezkiyeti’ş-şer‘iye şehâdetleri mûcebiyle meblağ-ı mezbûrun müteveffâ-yı mesfûrun muhallefâtından edâsına hükmedildi. Cerâ zâlike ve hurrire fî-evâili Saferi’l-muzaffer li-sene selâse ve elf. Şühûdü’l-hâl: İbrahim b. Osman, Hızır b. Hasan, Ömer b. Hacı, Mehmed b. Ali,