İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 308 Hüküm no: 354 Orijinal metin no: [70b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmal tarafından zabtedilen Sinan Bey’in hanımı Nefise’ye mehir borcu olduğu Kasım Bey b. Abdullah el-cündî ve Ahmed b. Abdullah er-râcil nâm kimseler meclis-i şer‘a hâzırân olup sefer-i sultânîde bundan akdem vefât eden merhûm Sinan Bey b. Abdullah’ın muhallefâtına vâzı‘-ı yed olan Dârü’s-saltanati’s-seniyye mahmiye-i Kostantıniyye’de vâki‘ Beytü’l-mâl-i hâs emîni aynü’l-a‘yân Abdullah Çavuş b. Hızır mahzarında, mahmiye-i Kostantıniyye mahallâtından Hadice Sultan mahallesinde sâkine, müteveffâ-yı mezbûrun zevcesi ve vârisi bâ‘ise-i kitâb Nefise bt. Ferhad nâm hatundan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun zimmetinde esnâ-yı nikâhında ma‘kūdun aleyh olan mehr-i müeccel cihetinden müdde‘iye-i merkūme zevcesine râyicü’l-vakt bin akçe deyni vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zâlike ve hurrire fi’t-târihi’l-mezbûr. Şühûdü’l-hâl: Mehmed b. Abdullah, Hüseyin b. Celal, Ali b. Mustafa ve gayruhum