İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 360 Hüküm no: 435 Orijinal metin no: [84a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un miras payını ve mehrini alması için Mahmut Çelebi’yi vekil ettiği Bundan akdem sefer-i sultânîde vefât eden merhûm Ferhad Çavuş b. Abdullah’ın zevcesi ve vârisi Emine Hatun bt. Alemşah meclis-i şer‘a hâzıra olup müteveffâ-yı mezbûrun muhallefâtındaki hisse-i şer‘iyesini talebe ve nikâhında ma‘kūdun-aleyh olan mehr-i müeccelini taleb, kabz ve kendisine îsâle ve bunlar için hîn-i hâcetde hükkâm-ı kirâm indinde lâzım gelecek husûmât ve mürâfa‘aya bâ‘is-i hâze’l-kitâb Mahmud Çelebi b. Mustafa’ı vekîl ve nefsine nâib-i menâb kıldı. Mezbûr Mahmud Çelebi dahi vekâlet-i mezkûreyi kabûl edip hizmet-i lâzımesini edaya müte‘ahhid oldu. Cerâ zâlike fi’t-târihi’l-mezbûr. Şühûdü’l-hâl: El-mezbûrûn