İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 360 Hüküm no: 436 Orijinal metin no: [84a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Ferhad Çavuş’un hanımına mehir borcu olduğu Mevlana el-Hâc Ahmed b. Celaleddin el-imâm ve Ahmed b. Mehmed el-müezzin nâm kimseler meclis-i şer‘a hâzırân olup bundan akdem sefer-i sultânîde vefât eden Ferhad Çavuş’un Rukiye nâm sagīre kızına kıbel-i şer‘den mansûb vasî olan mevlana Sinan Efendi b. Nasrullah’ın mahzarında, merhûm-ı mezbûrun zevcesi ve vârisi Emine bt. Alemşah kıbelinden husûs-ı âti’z-zikre vekâleti bimâ hüve nehcü’s-sübût şer‘an sâbit olan Mahmud Çelebi b. Mustafa’dan vekâleten sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun zimmetinde esnâ-yı nikâhında ma‘kūdun aleyh olan mehr-i müeccel cihetinden müdde‘iye-i merkūme zevcesine râyicü’l-vakt on bin akçe deyni vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zâlike fi’t-târih. Şühûdü’l-hâl: El-mezbûrûn