İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 391 Hüküm no: 477 Orijinal metin no: [92a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Murad’ın Ayasofya-i kebir evkafından olan dükkânını devrettiği Fahrü’l-ümerâi’l-kirâm zahrü’l-küberâi’l-fihâm İbrahim Bey b. Murad mahfil-i kazâda umdetü’l-a‘yân ve makbûlü’s-sudûr ve’l-erkân Mehmed Kethudâ b. Abdülmennan kıbelinden husûs-ı âti’l-beyâna vekîl olup vekâleti bi- mâ-hüve nehcü’s-sübût şer‘an Ali b. Pîr Veli ve Mustafa b. Murad şehâdetleri ile sâbite olan bâ‘isü’l-kitâb fahrü’l-cüyûş Pervîz Çavuş b. Abdülvahhab mahzarında takrîr-i merâm edip mahrûse-i İstanbul’da Bezzâzistân-ı atik’de vâki‘ Ayasofya-i kebîr evkāfından olup tarafeyni Kara Mahmud ve Hafız Ahmed Bey dükkânları ile ve tarafeyn-i âhareyni tarîk-i âm ile mahdûd taht-ı << tasarrufunda>> tasarrufumda olan bir bâb dükkânın tasarrufunu mütevellîsi ma‘rifetiyle müvekkil-i mûmâ-ileyh Mehmed Kethudâ’ya tefvîz edip mukābele-i tefvîze vekîl-i mezbûr Pervîz Çavuş yedinden yüz yirmi beş bin akçesini alıp kabz eyledim deyü ikrâr etdikde mukırr-ı mezbûru ikrâr-ı meşrûhunda mukarrun lehü’l-merkūm vekâleten tasdîk edicek mâ-vaka‘a bi’t-taleb kayd-şüd. Fi’l-yevmi’l-hâdi aşer min- Şa‘bân li- sene hamse ve elf. Şühûdü’l-hâl: Sefer b. Ramazan, Mehmed el-Hâc Bersan?, Hoca Hüsrev, Sinan Kethudâ, Mehmed b. Ramazan, Mustafa b. Mahmud, Davud el-Çelebi, Hüdaverdi el-Çelebi ve gayruhum.