İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 392 Hüküm no: 480 Orijinal metin no: [92b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babaları ölen Nuh ve Rabia adlı çocuklara nafaka takdiri Hâkim, bundan akdem Eflâk muhârebesinde vefât eden Mustafa Çelebi’nin Nuh ve Rabia nâm sagīreyninin nafakası, kisvesi ve sâir havâic-i lâzımesi için müteveffâ-yı mezbûrun muhallefâtından irs-i şer‘î ile kendilerine intikāl eden mallardan alınmak üzere, hacr ve terbiyesi altında bulundukları mahmiye-i Kostantıniyye mahallâtından Timurhan mahallesinde sâkine olan Saime bt. Pervâne nâm analarının talebiyle zeyl-i vesîkada mezkûr tarihden itibâren yevmî râyicü’l-vakt on akçe Nuh nâm sagīre, sekiz akçe Rabia nâm sagīreye farz ve takdîr etti ve meblağeyn-i mefrûzeyn-i mezbûreynin sarfına ve vakt-i hâcetde istidâne edip vakt-i zaferde rücû‘a mezbûre Saime hatuna izin verdi. Hurrire fî 13 Şaban 1005. Şühûdü’l-hâl: Mehmed Bey b. Muslu, Mustafa b. Mahmud, Mehmed b. Hamza, Ferhad b. Abdullah, Hasan b. Yusuf ve gayrü zâlike