İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 402 Hüküm no: 498 Orijinal metin no: [95b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Mehmed Çelebi’nin hanımına mehir borcu olduğu Bevvâb-ı sultânî el-Hâc Pervâne b. Abdullah ve el-Hâc Yusuf Abdullah nâm kimseler meclis-i şer‘a hâzırân olup bundan akdem vefât eden Mehmed Çelebi b. Ali’nin Ümmühani nâm sagīre kızının vasîyy-i şer‘îsi el-Hâc Hasan Bey b. Abdullah’ın mahzarında, müteveffâ-yı mezbûrun li-ebeveyn kız karındaşı ve vârisi İsmihan bt. Ali kıbelinden vekâleti bimâ hüve nehcü’s-sübût şer‘an sâbit olan Mehmed Çavuş b. Abdullah’ın mahzarında, müteveffâ-i mezbûrun zevcesi Fatıma Hatun bt. el-Hâc Hüseyin kıbelinden da‘vâ, isbât ve kabza vekâleti bimâ hüve nehcü’s-sübût şer‘an sâbit olan Malkoç Ağa b. Abdülmennan’dan bi’l-vekâle sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun zimmetinde mehr-i müecceli cihetinden mezbûre Fatıma Hatun’un râyicü’l-vakt on bin akçe hakkı vardır. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten şehâdetleri mûcebince meblağ-ı merkūmun müteveffâ-yı mezkûrun muhallefâtından edâsına hükmedildi. Fî 3 Ramazan sene 1005. Şühûdü’l-hâl: Es-sâbikūn