İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 419 Hüküm no: 532 Orijinal metin no: [100b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmal tarafından zabtedilen Şirin Hatun’un evinin yarı hissesinin müzayede ile satıldığı Mahmiye-i Kostantıniyye mahallâtından Sultan Bâyezid Han câmi‘i kurbündeki Yeni mahallede bundan akdem vefât eden merhûme Şirin Hatun bt. Abdullah’ın muhallefâtına vâzı‘-ı yed olan mahmiye-i mezbûrede vâki‘ Beytü’l-mâl-i hâssın emîni Mehmed Çavuş b. Abdulmuin meclis-i şer‘a hâzır olup, müteveffât-ı mezbûrenin muhallefâtı dâhilindeki, mahalle-i merkūmede kâin, üzerinde iki fevkānî hâne bulunan tahtânî bir hâneyi, odayı ve kenîfi müştemil, hudûdu bir tarafından Gazzâl? Mustafa mülkü, bir tarafından menzil-i mevkūf, bir tarafından tarîk-ı hâs, bir tarafından da diğer Mustafa mülkü ile mahdûd bulunan cemî‘ menzilin nısf-ı şâyi‘ini râyicü’l-vakt on sekiz bin akçe semen-i mu‘ayyen-i makbûzla müteveffât-ı mezbûrenin zevci, hâmil-i kitâb el-Hâc Mustafa b. Mehmed’e îcâb kabûlü ve teslîm tesellümü hâvî bey‘-i bâtt-ı sahîh-i şer‘î ile bey‘ ettiğini ikrâr eyledi. el-Hâc Mustafa dahi kendi mâlıyla ve li-nefsihî iştirâ eyledi. Vâki‘ ikrâr müşterî-yi mezbûr tarafından vicâhen ve şifâhen tasdîk edildi. Mubâya‘a-i mezbûre menzil-i mesfûrun sûk-ı sultânîde ve mecma‘-ı nâs olan mahallerde tâlibîn ve râgıbîn beyninde kirâren müzâyede olunup ragabât-ı nâs bi’l-külliye münkatı‘a oldukdan sonra müşârün-ileyh üzerinde semen-i meblağ-ı merkūmda karâr edip ziyâde ile âhar tâlibi olmadığı ecilden vâki‘ oldu. Cerâ zâlike ve hurrire fi’s-sâlis ve’l-ışrîn min-Ramazan el-mübârek min-şühûri sene hamse ve elf. Şühûdü’l-hâl: Mustafa Çelebi b. Mehmed, Hüseyin Çavuş b. Mustafa, Osman b. Mehmed, Mustafa b. (…), Şaban b. Mustafa