İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 67 Hüküm no: 15 Orijinal metin no: [6-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul ve Boğaziçi’nde meydana gelen ferağ, intikal, inşaat ve tamirat işlemlerinde önce Tahrir İdaresi’ne bilgi verilmesi İstanbul kādısı fazîletlü efendi hazretleri, İstanbul ve Boğaziçi’nde vukū‘ bulan ferâğ ve intikālât ve inşâât ve ta‘mîrât ve mahlûlât evvelen Tahrîr İdâresi’ne ihbâr ile kuyûdu tesviye ve îrâdı tenezzül ve terakkī eden mahaller keşf ile îcâbı icrâ olunduğuna dâir ilmühaber verilmedikçe mu‘âmelât-ı lâzımenin îfâ olunmaması maddesinin usûl ittihâzı atûfetlü Subhî Beyefendi hazretleri cânibinden bâ-takrîr vukū‘ bulan iş‘âr üzerine Meclis-i Vâlâ’da tensîb kılınıp vâkı‘â mu‘âmelât ve vukū‘ât-ı mütemâdiyeye tahassül-i vukūf olunmadıkça emlâk vergisinin kuyûd-ı asliye ve cihat-ı tahsîliyesi bir takım müşkilât ve tagayyürâta tesâdüf edeceğinden bunun hüsn-i muhâfazası vesâil-i dâimesinin istihsâline i‘tinâ edilmesi lâzımeden bulunmasıyla ve mûcebince keyfiyet Nâfi‘a ve Evkāf-ı hümâyûn nezâret-i celîlelerine havâle ve iş‘âr olunduğu misillü sûret-i hâl mîr-i müşârün-ileyhe de bildirilmiş olmağın usûl-i mezkûrenin mer‘iyyü’l-icrâ tutulmasına himmet eyleyesiniz deyü. Fî 17 Receb sene [1]282 ve fî 23 Teşrîn-i sânî sene [1]281. Kad vasale ileynâ fi’l-yevmi’t-tâsi‘ aşer min-Recebi’l-ferd fî sene 1282.