İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 79 Hüküm no: 32 Orijinal metin no: [15-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölmüş olan Markaroğlu Oseb’in hazineye epeyce borcu olduğundan mallarından satış yapılmaması 79 Taraf-ı hazret-i Meşîhat-penâhîye Ma‘rûz-ı bende-i dîrîneleridir ki, Markaroğlu müteveffâ Oseb’in bi’z-zât ve bi’l-vâsıta cânib-i hazîneye epeyce zimmeti olduğundan uhdesinde bulunan emlâk vesâireleri hazîneye mürâca‘at olunmaksızın âhara bey‘ ü ferâğ olunmaması îcâb-ı hâl ve maslahatdan ve emlâk-i mezkûre meyânında mehâkim-i şer‘iyede bâ-hüccet mübâya‘ası icrâ kılınır kabîlden emlâk bulunması dahi ağleb-i ihtimâlden olmasıyla bu bâbda taraf-ı zî-şeref-i Meşîhat-penâhîlerinden sadreyn-i muhteremeyn ve İstanbul kādılığıyla mehâkim-i lâzımeye teblîgāt i‘tâ buyurulması hakkında keyfiyetin arz ve iş‘ârı lüzûmu Dîvân-ı Muhâkeme-i Mâliye’den ifâde kılınmış ve ol vechile îfâ-yı muktezâsı menût emr ü irâde-i cenâb-ı Fetvâ-penâhîleri bulunmuş olmağla her hâlde emr ü fermân hazret-i veliyyü’l-emrindir. Fî 26 Receb sene [1]284 ve fî 10 Teşrîn-i sânî sene [1]283.