İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 136 Hüküm no: 109 Orijinal metin no: [52-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İmaret-i amireye un bahasından borçlu halde ölen Haçador’un terekesinden borcun tahsili İstanbul kādısı fazîletlü efendi hazretleri Kamanto ile şürekâsı bulunan müteveffâ David Karabet ve Haçador’un mukaddemâ İmâret-i âmire için i‘tâsına müte‘ahhid oldukları dakīk bahâsına mahsûben ziyâde makbûzları olan iki yük kırk iki bin iki yüz doksan bir buçuk guruşdan merkūm Haçador’un hissesine isâbet eden seksen bin yedi yüz altmış üç buçuk guruş kırk akçenin kısmet-i belediye mahkemesi ma‘rifetiyle tahrîr kılınan terekesi esmânından bi’l-ifrâz hazîne-i evkāf-ı hümâyûna irsâli Evkāf-ı hümâyûn nezâret-i celîlesinden bâ-tezkire ifâde kılınmış ve matlûbât-ı hazînenin sür‘at-i istifâsı lâzımeden bulunmuş olmağla îfâ-yı muktezâsına himmet eyleye deyü. Fî 23 Cumâdelâhire sene [1]291. Mukābele şüd.