İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 148 Hüküm no: 126 Orijinal metin no: [60-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devairden La Türki Gazetesi’ne ücretle verilen ilanlardan bir kısmının, daha ucuza yayınlayacağını bildiren Fardö Bosfor Gazetesi’ne verilmesi Hâriciye’den Taraf-ı vâlâ-yı Fetvâ-penâhîye Ma‘rûz-ı bende-i dîrîneleridir ki, Devâirden La Türki Gazetesi’ne ücretle derc ettirilmekde olan i‘lânâtın yüzde yirmi noksanıyla kendi gazetesine verilmesi iltimâsını hâvî Fardö Bosfor Gazetesi sahib-i imtiyâzı Mösyö Kiryako Polo tarafından verilen Fransızca istid‘â Matbû‘ât İdâresi’ne lede’l-havâle mezkûr Fardö Bosfor Gazetesi’nin öteden berü ibrâz ettiği hüsn-i hizmet ve umûm tarafından kazanmış olduğu i‘tibâr ve rağbet üzerine şâyeste-i teşvîk göründüğünden bahisle bu misillü i‘lânâtdan bir mikdârının dahi mezkûr gazeteye derc ettirilmesi münâsib olacağı bâ-müzekkere ifâde kılınmış ve keyfiyet bi’l-cümle devâir-i mühimmeye bildirilmiş olmağla taraf-ı vâlâ-yı Fetvâ-penâhîlerince dahi ol vechile îfâ-yı muktezâsına himem-i aliyyeleri derkâr buyurulmak bâbında emr ü fermân hazret-i men-lehu’l-emrindir. Fî 22 Receb sene [12]92 ve fî 11 Ağustos sene [12]91.