İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 147 Hüküm no: 125 Orijinal metin no: [60-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mübayaat ve şirket ilanlarının Matbuat İdaresi tarafından yayınlanan resmi ilanların sayısına dahil olmadığı Taraf-ı vâlâ-yı Fetvâ-penâhîye Bâbıâlî Nezâret-i celîle-i Hâriciye Mektûbî Odası Ma‘rûz-ı bende-i dîrîneleridir ki, Mübâya‘ât ve şirket i‘lânâtı gibi şeylerin Matbû‘ât İdâre-i behiyesi ma‘rifetiyle gazetecilere derc edilecek i‘lânâtdan resmiye ve vukū‘ât-ı mühimme idâdında dâhil bulunmayacakları ol bâbda idâre-i mezkûre tarafından vukū‘ bulan ifâde üzerine selh-i Şevval sene [12]90 târihinde bi’l-cümle devâire ta‘mîmen iş‘âr kılınmış olduğu hâlde yine o makūle i‘lânın ara sıra idâre-i mezkûreye gönderilmekde olduğu beyânıyla icrâ-yı îcâbı dahi bu kerre bâ-müzekkire ifâde olunmuş ve keyfiyet devâir-i sâireye dahi teblîğ kılınmış olmağla ba‘demâ mübâya‘ât ve şirket i‘lânâtı gibi sırf menâfi‘-i maddiyeye? ta‘alluk eden husûsâtın neşri için idâre-i mezkûreye mürâca‘at olunmayarak her bir dâirenin bu bâbda istediği gazetelere mürâca‘atla akçesini bi’t-tesviye i‘lân-ı keyfiyet ettirmeleri lâzım geleceği beyânıyla te’kîd-i maslahata ibtidâr olunmağın ol bâbda emr ü irâde hazret-i men-lehu’l-emrindir. Fî 13 Receb sene [12]92 ve fî 6 Ağustos sene [12]91.