İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 153 Hüküm no: 134 Orijinal metin no: [1-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emlak ve akar sebebiyle çıkan anlaşmazlık davalarında vergi senedi talebi İstanbul Kādılığı’na Fazîletlü efendim hazretleri, Emlâk ve akārdan dolayı vukū‘ bulacak kâffe-i münâza‘âtın vergi-yi müretteblerinin îfâ kılındığını mübeyyin senedât-ı resmiye görülmedikçe rü’yet olunmamasının usûl ittihâz kılınarak her tarafa bildirildiği ve bu usûlün Dersa‘âdet ve bilâd-ı selâsede dahi mer‘î tutulması lâzım geleceği bâ-tezkire-i sâmiye beyân olunmuş olmağla ba‘de ezîn taraf-ı fâzılânelerinden dahi ber-minvâl-i muharrer îfâ-yı mu‘âmele-i îcâbiyeye himmet buyurulması lâzım geleceği beyânıyla tezkire-i senâverî terkīmine ibtidâr olundu. Fî-gurreti Rebî‘ülâhir sene [1]293 ve fî 13 Nisan sene [1]292. Vezîr-i a‘zam Mehmed Rüşdü