İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 156 Hüküm no: 142 Orijinal metin no: [3-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bir mahallede kimsenin mülkü olmayan bir yerde öldürülen kişinin diyeti hakkında hatt-ı hümayun Kasâme Sûret-i hatt-ı hümâyûn Mûcebince mu‘âmelesi icrâ olunsun Bir mahalle içinde kimesnenin mülkü olmayan hâlî yerde maktûl bulunan kimesnenin kātili bir vechile ma‘lûm olmasa ol mahalle ahâlîsine kasâme ve diyet lâzım olur. Eğer kātili beyyine ya ikrâr ile sâbit olsa veyâhûd ma‘rûf ise ol mahalle ahâlîsine kasâme ve diyet lâzım olmaz. Ve bir de maktûlün vârisi maktûlün bulunduğu mahalle ahâlîsinin gayrı bir şahs-ı mu‘ayyenden mevrûsumuzu sen katlettin deyü da‘vâ ettikde ol mahalle ahâlîsinden kasâme ve diyet sâkıt olduğu gibi vâris eğer maktûlün bulunduğu mahalle ahâlîsinden olan bir şahs-ı mu‘ayyenden mûrisimizi sen katlettin deyü da‘vâ ettiği sûretde dahi ol mahalle ahâlîsinden kasâme ve diyet sâkıt olur ve iki sûretde dahi ol mahalle ahâlîsi vârisin bu da‘vâsına şehâdet etseler şehâdetleri kabûl olunur. Fî 3 L sene [12]92 ve fî 9 Eylül sene [12]92. Cem‘iyet-i Mecelle