İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 159 Hüküm no: 148 Orijinal metin no: [7-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zafer kazanıldığından minberlerde Gâzi unvanın da yer alması İstanbul kādısı fazîletlü efendi hazretleri Bi-havlihî te‘âlâ teyessür-nümây-yı vukū‘ olan mukaddemât-ı muzafferiyet münâsebetiyle nâm-ı ma‘âlî-ittisâm-ı hazret-i zıllullâhînin menâbir ve mahâfilde gāzi unvân-ı âlîsiyle yâd ve tavsîf olunmasının meşrû‘iyetine dâir tanzîm ve taraf-ı sâmî-i hazret-i Fetvâ-penâhîden bâ-tezkire irsâl olunan fetvâ-yı şerîfe mûcebince işbu şehr-i Cumâdelûlâ’nın beşinci Cuma günü bi’l-umûm hutebâ-yı cevâmi‘de nâm-ı ma‘âlî-ittisâm-ı hilâfet-unvân-ı şerîf-i mezkûr ile tavsîf etmeleri’çün izin ve ruhsat-ı hümâyûn i‘tâ buyrularak keyfiyet Galata ve Eyüb kādıları ve Üsküdar nâibi fazîletlü efendilere bildirilmiş olmağla zât-ı fâzılâneleri dahi esnâ-yı hutbe-i şerîfede unvân-ı celîl-i mezkûrun yâd ve tilâvet olunmak üzere ruhsat-ı seniyye-i şâhânenin Dersa‘âdet’de bulunan bi’l-cümle cevâmi‘ ve mesâcid-i şerîfe hutebâ-yı kirâmına ifâde ve i‘lânına himmet eyleye deyü. Fî 3 Cumâdelûlâ sene [1]294.