Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 547 Hüküm no: 665 Orijinal metin no: [116a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saraçhâne Vakfı’na borcunu ödemesi için İbrahim Çelebi’ye tembih [Edâya] tenbîh Mahmiye-i İstanbul’da Saraçhâne ahâlîsinin mühimmât-ı lâzımeleri için vakıf olan nukūda bi’l-fi‘l mütevellî olan işbu bâ‘isü’l-kitâb Mustafa Çelebi b. Hüseyin nâm yesarî meclis-i şer‘-i şerîf-i enver ve mahfil-i dîn-i münîf-i ezherde yine tâife-i mezbûreden İbrahim Çelebi nâm kimesne mahzarında bi’t-tevliyye üzerine da‘vâ ve takrîr-i kelâm edip mezbûr İbrahim Çelebi zimmetinde mütevellîsi olduğum vakf-ı mezbûr malından yüz esedî guruş deyni olup hâlâ bi’t-tevliyye taleb eylediğimde bana edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr İbrahim Çelebi cevâbında fi’l-hakīka müdde‘î-i mezbûrun mütevellî olduğu vakf-ı mezbûr malından yüz esedî guruş hâlâ zimmetimde lâzımü’l-edâ vâcibü’l-kazâ deynimdir deyû tâyi‘an ikrâr ve i‘tirâf etmeğin alâ mûcebi i‘tirâfihî meblağ-ı mezbûr yüz esedî guruşu müdde‘î-i mezbûra edâ ve teslîme mezbûr İbrahim Çelebi’ye tenbîh olunup mâ vaka‘a bi’t-taleb ketb olundu. Fi’l-yevmi’s-sâmin aşer min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: Sarrâc Halil Çelebi, Mehmed Çelebi es-Saraç, Ahmed Çelebi es-Saraç, Mustafa Çelebi b. Ahmed, İbrahim Çelebi b. Ahmed, Süleyman Çelebi Ser-bölük.