İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 184 Hüküm no: 182 Orijinal metin no: [27-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Resmî dairelerden gelecek olan protestonamelerin tebliğ edilmeden önce harcının ödenmesi Makām-ı sâmî-yi cenâb-ı Meşîhat-penâhîye Devâir-i resmiyeden vürûd edecek protesto ve sekvestronâmelerin teblîği için alınması lâzım gelen harçların mu‘âmeleden sonra istifâ kılınması bir takım müşkilâtı ve kayd-ı muhâsebece dahi tes‘îbâtı istilzâm edeceğinden bu makūle teblîğnâmelerin Mukāvelât Muharrirliği’ne irsâl veyâ i‘tâsında cedîd ta‘rîfe mûcebince evvelâ harçlarının dahi tesviyesiyle koçanlı makbûz ilmühaberinin alınması zımnında bi’l-cümle devâir-i resmiyeye teblîgāt-ı lâzıme îfâsı Encümen-i Adliye ve Umûr-ı Hukūkiye Müdürlüğü’nden ifâde kılınmağla makām-ı sâmî-i Meşîhat-penâhîlerince dahi ba‘demâ ol yolda mu‘âmele icrâ buyurulması bâbında emr ü fermân hazret-i men-lehu’l-emrindir. Fî 9 Ramazan sene [12]96 ve fî 14 Ağustos sene [12]95.