İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 244 Hüküm no: 251 Orijinal metin no: [77-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Resmî dairelerden gelen yazıların damgalı kâğıdlara yazılıp imza üzerine de hangi memuriyetten yazıldığının açıkça belirtilmesi Devâir-i devletden vürûd etmekde olan ma‘rûzât-ı resmiye ve husûsiye damgasız kâğıdlara yazılmakda olduğu gibi imzâ üzerinde me’mûriyet gösterilmemesinden ve ba‘zan isim dahi <> tevâfuk eylemesinden dolayı ma‘rûzât-ı vâridenin kangı makāmdan geldiği def‘aten anlaşılamamakda ve beyne’d-devâir te‘âtî olunan tezâkir ve muharrerât ise umûmiyet üzere damgalı kâğıdlara yazılmakda olduğundan ba‘de ezîn bi’l-cümle devâirden takdîm kılınacak ma‘rûzât-ı resmiye ve husûsiyenin dahi damgalı kâğıdlar üzerine yazılmasının ve gerek arz-ı atebe-i ulyâ kılınacak tezâkir ve muharrerâtın ve gerek beyne’d-devâir te‘âtî olunacak evrâkın kangı makāmdan yazıldığının imzâ mahallerinde dahi gösterilmesinin usûl ittihâz kılınması irâde-i seniyye-i hazret-i hilâfet-penâhî <> muktezâ-yı âlîsinden idiği mâbeyn-i hümâyûn başkitâbet-i aliyyesinden bâ-tezekkür-i husûsiye iş‘âr olunmuş ve keyfiyet devâir-i sâireye bildirilmiş olmağla ber-mûceb-i irâde-i seniyye iktizâsının icrâsı husûsuna himem-i aliyye-i Fetvâ-penâhîleri şâyân buyurulmak bâbında emr ü irâde hazret-i men-lehu’l-emrindir. Fî 4 Cemâziyelevvel sene [1]303 ve fî 27 Kânûn-ı sânî sene [1]301. Sadrıa‘zam Kâmil