İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 243 Hüküm no: 250 Orijinal metin no: [77-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Resmî dairelere konulacak sobaların Tersane-i âmire tarafından imali Der-zamân-ı Mustafa Rüşdü Efendi hazretleri Sene 1303 Ma‘rûz-ı bende-i dîrîneleridir ki, Beher sene tebdîl ve tecdîd-i tekellüfüne ve bu yüzden mesârif-i dâime ihtiyârına mahâl kalmamak üzere ba‘demâ devâire vaz‘ olunacak sobaların çini ve sâbit cinsinden iştirâsıyla borularının dahi bakırdan olmak üzere Tersâne-i âmirece i‘mâli muktezâ-yı irâde-i seniyye-i cenâb-ı pâdişâhîden olarak keyfiyet evvelce Bahriye Nezâret-i celîlesine bildirilmiş olduğu gibi bu kerre devâir-i sâireye dahi teblîgāt îfâ kılınmış olmağla dâire-i celîle-i Meşîhat-penâhîlerince dahi ber-mûceb-i irâde-i seniyye îcâbının icrâ buyurulması bâbında emr ü fermân hazret-i men-lehu’l-emrindir. Fî 27 Rebî‘ülevvel sene 1303 ve fî 22 Kânûn-ı evvel sene 1301. Münir