Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 554 Hüküm no: 675 Orijinal metin no: [117b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rukiye bt. Şeyhzâde Mehmed Efendi’nin Mehmed Çelebi b. Ali’den muhâlaa yoluyla boşandığı Muhâla‘a hüccetidir. Mahmiye-i İstanbul’da Kasab Timurhan mahallesinde sâkine Rukiye Hâtun bt. eş-Şeyhzâde Mehmed Efendi b. eş-Şeyh Süleyman tarafından husûs-ı âti’l-beyâna vekîl olduğu Yahya Efendi b. Mustafa ve el-Hâc Yusuf b. Abdullah şehâdetleriyle şer‘an sâbit olan ammi Mustafa Çelebi b. eş-Şeyh Süleyman meclis-i şer‘-i lâzımü’t-tevkīrde zevc-i dâhili işbu bâ‘isü’l-vesîka Mehmed Çelebi b. Ali muvâcehesinde bi’l-vekâle ikrâr ve takrîr-i kelâm edip mezbûr Mehmed Çelebi müvekkilem mezbûre Rukiye’nin zevci olup beynlerinde hüsn-i zindegânîleri olmamağla zimmetinde mütekarrir ve ma‘kūdun-aleyh olan yüz guruş mehr-i müeccel hakkı olan yirmi dahi bedel-i hul‘ olmak üzre zevci merkūm Mehmed Çelebi ile muhâla‘a-i sahîha-i şer‘iyye muhâla‘a edip ol dahi hul‘-ı mezbûru kabûl edip hukūk-ı zevciyyete ve sâire müte‘allika da‘vâdan her birimiz âharı ibrâ-i kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-ışrîn min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Ahmed b. Abdülkādir, Halil Çelebi b. el-Hâc Mustafa, Ahmed Çelebi b. Mustafa, Yusuf Çelebi b. Mehmed.