İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 298 Hüküm no: 313 Orijinal metin no: [116-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Damga Kanunu’nun yirmi sekizinci maddesine yapılan zeyl Damga Kānûnu’nun yirmi ikinci maddesine zeyl olmak üzere kaleme alınıp mer‘iyyet-i ahkâmına bi’l-istîzân irâde-i seniyye-i cenâb-ı pâdişâhî şeref-müte‘allik buyrulan fıkra-i kānûniye sûretidir. 14 Temmuz sene 1304, 17 Zilka‘de sene 1305 târihinde Damga Kānûnu’na zeyl edilen fıkarât-ı kānûniye hükmünce damga resmine tâbi‘ olan devâir-i resmiye makbûz ve ibrâ senedâtı ve pasaport ve mürûr ve sayd-ı berrî ve bahrî tezkireleriyle emlâk zabıtnâmelerini iktizâ eden pulu yapıştırmaksızın i‘tâ eden veyâ pulu yapıştırıpta işbu kānûn ahkâmına tevfîkan ibtâl etmeyen veyâhûd hadd-i nizâmîsinden dûn pul yapıştıran me’mûrlar Damga Kānûnu’nun yirmi ikinci maddesi mûcebince lâzım gelen cezâ-yı nakdîyi i‘tâ edecekdir. Fî 14 Cumâdelûlâ sene 307 ve fî 25 Kânûn-ı evvel sene 305.