İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 308 Hüküm no: 326 Orijinal metin no: [125-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vükela ve üst düzey memurlardan hastalık sebebiyle işe gelemeyenlerin durumu Mâbeyn-i Hümayun’a bildirmeleri Ma‘rûz-ı bende-i dîrîneleridir ki, Vükelâ-yı fihâm hazerâtıyla e‘âzim-i me’mûrînden birinin mizâcına inhirâf ârız olarak mahâll-i me’[mû]riyetine gelemeyecek olduğu hâlde keyfiyetin ve hastalığı neden ibâret olduğunun hâk-pây-ı hümâyûn-ı şâhâneye arz olunmak üzere makām-ı senâverîden Mâbeyn-i Hümâyûn-ı Cenâb-ı Mülûkâne Başkitâbeti makāmına iş‘âr olunması şeref-sâdır olan irâde-i seniyye-i cenâb-ı hilâfet-penâhî iktizâ-yı celîlinden bulunduğu kitâbet-i müşârün-ileyhâdan 5 Rebî‘ülevvel sene 309 târihli tezkire-i husûsiye ile izbâr olunmasına ve keyfiyet bi’l-cümle devâire bildirilmiş olmağla Bâb-ı Vâlâ-yı Fetvâ-penâhîlerince de ber-mantûk-ı emr u fermân-ı hümâyûn icrâ-yı îcâbı bâbında emr u irâde hazret-i men-lehu’l-emrindir. Fî 6 Rebî‘ülevvel sene 309 ve fî 28 Eylül sene 307.