İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 332 Hüküm no: 360 Orijinal metin no: [140-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şer‘iyye mahkemelerinden verilecek hüccetlerin bin kuruştan fazla olanlarına iskan-ı muhacirin masrafları için çıkarılan pulun yapıştırılması Bâb-ı Fetvâ Dâire-i Meşîhat-i İslâmiye Mektûbî Kalemi Aded: 172 Dârü’l-hilâfeti’l-aliyye Kādılığı’na, Semâhatlü Efendim Hazretleri, Mehâkim-i şer‘iyeden verilecek hüccetlerden bin guruşdan yukarı meblağı hâvî olanlarına iskân-ı muhâcirîn mesârifine mukābil çıkarılan pullardan onar guruşluk pul ilsâk edilerek bin guruş ve ondan dûn mebâliği muhtevî hücec-i şer‘iyenin mezkûr puldan istisnâsı husûsuna sebk eden iş‘âr-ı senâverî üzerine Şûrâ-yı Devlet ve Meclis-i Mahsûs-ı Vükelâ karârıyla bi’l-istîzân irâde-i seniyye-i cenâb-ı hilâfet-penâhî şeref-müte‘allik buyrulduğu bâ-tezkire-i sâmîye-i sadâret-penâhî teblîğ olunmağla mûcebince mu‘âmele îfâ ve mülhakāta teblîgāt icrâsına himmet buyurulması siyâkında tezkire-i muhlisî terkīm olundu efendim. Fî 17 Şevval sene 1317 ve fî 15 Şubat sene 1315. Şeyhülislâm Mehmed Cemaleddin