İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 352 Hüküm no: 384 Orijinal metin no: [149-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Adliye Nezareti ve mahkemelerce eskiden beri alınmakta olan rüsum-ı kaydiyenin alınmasına devam edilmesi Bâb-ı Âlî Dâire-i Sadâret-i Uzmâ Mektûbî Kalemi Aded: 110 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Adliye Nezâret-i Celîlesince ve mehâkimce evvelden beri alınmakta olan rüsûm-ı kaydiyenin kemâ-fi’s-sâbık istifâsına devam edilmek üzere nezâret-i müşârün-ileyhâ dahi dâhil olduğu hâlde devâir-i sâire ve vilâyâtca karâr-ı ahîr mûcebince arzuhâllerden ahz edilmekde olan rüsûm-ı kaydiyenin ilkāsı husûsuna Meclis-i Mahsûs-ı Vükelâ karârıyla bi’l-istîzân irâde-i seniyye-i cenâb-ı hilâfet-penâhî şeref-müte‘allik buyrularak devâir-i merkeziyeye ve bâ-telgrafnâme vilâyât-ı şâhâne ile elviye-i gayr-ı mülhakaya teblîgāt icrâ edilmiş olmağla taraf-ı âlî-i hazret-i şeyhülislâmîlerince de ona göre iktizâsının îfâsı bâbında emr u irâde hazret-i men-lehu’l-emrindir. Fî 20 Receb sene 324 ve fî 26 Ağustos sene 322. Sadrıa‘zam Ferid